O número de liñas telefónicas en España seguiu caendo no mes de marzo

Ganancia neta de liñas móbiles no mes de marzo (en milleiros)

A Comisión do Mercado da Telecomunicacións (CMT) publicou hoxe a súa nota mensual relativa ao mes de marzo (dispoñible en formato PDF), na que fan balance do sector das telecomunicacións en España, continuando a rexistrar unha forte caída no número de liñas móbiles (312.675) provocada principalmente polo descenso de liñas de prepagamento e correspondendo principalmente a Movistar e Vodafone (mentres que os Operadores Móbiles Virtuais continúan a gañar peso). Estes datos tamén amosan que as portabilidades móbiles non perden pulo, e durante o primeiro trimestre do ano máis de 1,8 millóns de clientes cambiaron de compañía.
Mentres os móbil continúan a caer, no que parece consecuencia da conxuntura económica e da saturación do mercado, a banda larga mantén o seu crecemento pausado pero seguro, chegando a 11,72 millóns de liñas no Estado (25,4 liñas por cada 100 habitantes). No mes de marzo as liñas de banda larga medrarían en 43.114, mantendo a súa tendencia positiva e correspondendo a ganancia de liñas a operadores alternativos. Das novas liñas, o 39% correspondeu a conexións de fibra óptica ata o fogar.
A telefonía fixa tamén continúan en decadencia, con 33.940 liñas menos no mes de marzo, das que o 94% corresponderon a negocios. Neste tipo de liñas tamén continúan a medrar as portabilidades, con 157.767 no mes de marzo (un 7,6% máis que o ano anterior).