O Zune HD podería terse esgotado nas tendas norteamericanas

Imaxe do Zune HD tomada por Robert Nelson

Nos EE.UU. Apple domina co seu iPod o mercado dos reprodutores multimedia portátiles dun xeito rotundo, polo que sorprende que o Zune HD, a grande actualización do reprodutor de Microsoft, estea a ter unhas fortes vendas de xeito que en diversas tendas coma Amazon, Best Buy ou New Egg penduren xa o letreiro de «esgotado», e estimen que non recibirán máis unidades do modelo de 16 Gb ata dentro de 1 ou 2 meses, mentres que polo modelo de 32 Gb podería recuperarse o stock en 1-3 semanas.
É difícil coñecer o nivel do éxito ata que Microsoft publique cifras oficiais, pero todo apunta a que finalmente atinaron nun produto atractivo, que moitos analistas comentaron que só faltáballe un teléfono integrado para poder competir de ti a ti co iPhone, e non sorprendería que co futuro Windows Mobile 7 chegase o moi rumoreado ZunePhone.