O CD cumpre 25 anos
venres, 17 de agosto do 2007
- O primeiro reprodutor de CD de Philips
O 17 de agosto de 1982
foi a data na que Philips fabricou o seu primeiro reprodutor de Compact Disc en
Langenhagen (preto de Hannover), polo que o popular disco compacto estarÃa
hoxe a celebrar o seu 25 aniversario, nun momento no que está en plena
crise, xa que o soporte da música está a perder toda a súa importancia grazas ós
reprodutores multimedia e ós ordenadores, que fan que o CD perdese o pulo que
gañara fronte ó vinilo nas últimas dúas décadas.
O CD conseguiu desbancar do mercado en só 6 anos tanto ás cintas de música coma
ós discos de vinilo, de xeito que xa se consideran pezas de coleccionista. Tamén
apareceron soportes gravables (especialmente na informática de consumo) que
fixeron que as copias fosen posibles e que tamen se empregasen coma soporte de
datos (sendo aÃnda moi utilizado para a venda de aplicacións informática e
videoxogos).
Agora o DVD e os dispositivos baseados en disco duro ou en memorias de estado sólido
están a facer que o CD xa non sexa o soporte musical que domine o mercado, e o
futuro deste formato é toda unha incógnita, aÃnda que hai quen o defende, posto
que coma sistema para almacenar álbums de música nin o SACD nin o DVDAudio
conseguiron imporse.