O 26% dos internautas españois acceden á Rede dende os seus móbiles

Un estudo realizado por ComScore Networks analizou cómo acceden os consumidores de EE.UU., Francia, Alemaña, Italia, España e Reino Unido ós contidos da Internet dende os seus móbiles, e concretouse que o 29% dos europeos acceden á Rede dende os seus terminais (aínda que España está por debaixo da media co 26%).
Sorprende ver como o 34% dos internautas xermanos e italianos acceden á Rede dende os seus móbiles fronte ó 19% dos norteamericanos, o que ven a reflectir claramente que Europa supera ós EE.UU. no uso dos móbiles, especialmente en servizos avanzados.
Os contidos que se consultan a través do móbil achéganse principalmente dende os portais de Internet (Yahoo!, Goolge e MSN), seguidos polos portais dos propios operadores de telefonía, que cada día ofertan máis servizos e funcionalidades atractivas para os seus clientes. Curiosamente, os portais móbiles das operadoras só teñen popularidade en Europa, de xeito que nos EE.UU. son os portais tradicionais os que acaparan as consultas dos usuarios, no que indica unha deficiencia destes servizos no país transatlántico.