Jajah dará minutos en chamadas a cambio de escoitar publicidade
martes, 6 de novembro do 2007
O servizo de voz sobre IP Jajah non só permite facer chamadas a baixo
custo directamente dende as nosas liñas telefónicas (solicitando as
conferencias a través da Internet ou do móbil) senón que tamén permite a opción
de escoitar anuncios
sonoros durante os tons de chamada que se
converten en crédito en chamadas.
Para esta nova prestación, Jajah chegou a un acordo coa rede publicitaria
Oridian, e dirixe os anuncios segundo a situación xeográfica do teléfono que
realice a chamada de voz de xeito que a publicidade acada unha eficiencia máis
elevada.
A plataforma publicitaria de Oridian é internacional, pero nun principio parece
que primarán os anuncios en inglés, de xeito que dende España será complicado
tirar proveito deste sistema.