Hoxe retómanse os apagados analóxicos en 13 concellos galegos
luns, 25 de xaneiro do 2010
Ao longo do día de hoxe e logo do parón realizado na fin de semana, o
Goberno galego, a través da Secretaría Xeral de Medios e en colaboración co
Goberno Central, vai retomar os apagados analóxicos que se están a levar a cabo
en toda a Comunidade dende a pasada semana e que producirán os ceses nun total
de 13 concellos galegos máis.
En concreto, hoxe produciranse os apagados analóxicos nos centros de Oza
dos Ríos, Aranga, Betanzos, Pontedeume e As Pontes de García Rodríguez,
pertencentes á área técnica de Ares. Estes apagados afectan, total ou
parcialmente, aos concellos de: Aranga, Betanzos, Coirós, Irixoa, Monfero, Oza
dos Ríos, Paderne, Pontedeume, As Pontes de García Rodríguez, Vilarmaior,
Cesuras, Curtis, As Somozas.
Asemade, e seguindo a mesma liña, mañá martes, 26 de febreiro, produciranse os apagados analóxicos
nos centros de Celanova, A Bola, Bande, Bande II, Chantada, Chantada II,
Allariz e Xinzo, todos eles da área técnica de Meda. Os apagados afectan, total
ou parcialmente, a 18 concellos: Allariz, Baltar, Bande, Os Blancos, A Bola,
Calvos de Randín, Celanova, Chantada, Muíños, Porqueira, Rairiz de Veiga,
Sandiás, Sarreaus, Trasmiras, Verea, Vilar de Santos, Xinzo de Limia e Xunqueira
de Ambía.
A Secretaría Xeral de Medios lembra que os cidadáns teñen á súa disposición
o teléfono de información 012 ou o 981 572 154, da Oficina Técnica da TDT, onde
poderán facer calquera consulta sobre o proceso de implantación da televisión
dixital terrestre ou resolver calquera dúbida que poidan ter a este respecto.