HP mira ao futuro do almacenamento
venres, 20 de febreiro do 2009
O Pazo de Congresos de Madrid, acolleu onte a meirande cita
tecnolóxica en materia de almacenamento que ofrece Hewlett-Packard:
o HP StorageWorks Day 09, que lle
serviu á compañía para dar a coñecer a súa visión de futuro do negocio e as
expectativas que teñen para co mesmo.
Aproveitando a importancia do acto e a presenza dos
directivos da compañía, HP levou a cabo unha rolda de prensa na que falou das
novas tendencias no eido do almacenamento e na que afirmou “afrontar con optimismo e preparación os novos retos nesta materia”.
Segundo afirmaron os reponsables de HP, o almacenamento está
a experimentar un “rápido crecemento”
nas áreas de colaboración, Internet, axuda na toma de decisións e
infraestrutura de TI, polo que, aseguraron, as empresas “precisan dispor dunha infraestrutura de almacenamento” que mellore
o emprego de activos e a eficiencia física, financieira e de xestión; “características que reúnen os novos
dispositivos de almacenamento de HP”, asegurou Carlos Precisado, director
da unidade de negocio de almacenamento de HP para España e Portugal.
Preciado afirmou, asemade, que “hai que pensar en servidores e almacenamento nun mismo entorno virtual”;
neste senso, o directivo destacou que “a
facilidade e o manexo estándar son dúas características que deben estar e que
están presentes” nos novos dispositivos de almacenamento da compañía que
representa.
Os responsables de Hewlett-Packard adiantaron que, en breve,
lanzarán “novos e innovadores”
produtos de almacenamento dos cales darán conta na vindeira eWEEK.