Dúas ducias de centros educativos de Ourense acollerán obradoiros maker da Deputación
martes, 22 de febreiro do 2022
A
Deputación de Ourense, como beneficiaria do Proxecto Emprende
Makers, proxecto co-financiado ao 75% polo Fondo Europeo de
Desenvolvemento Rexional (FEDER), desenvolve dende a semana pasada
diversas actividades de formación para nenas e nenos en tecnoloxías
libres e participativas: tecnoloxías maker. Faino
ao abeiro do seu programa Espacios Kids en centros educativos
de toda a provincia (arredor de dúas ducias deles confirmados),
comezando no CEIP Valle-Inclán de Muíños.
Esta
iniciativa está dirixida a crianzas de entre 8 e 11 anos,
pretendendo inicialas nas tecnoloxías argalleiras e creativas,
combinándoo co desenvolvemento da intelixencia, a creatividade e a
imaxinación mediante actividades lúdicas e educativas. Dentro do
proxecto levaranse a cabo obradoiros prácticos, co material e
equipamento necesario, de iniciación ao deseño e á impresión 3D,
iniciación á creación con Makey Makey e á electrónica
interactiva, iniciación á robótica e ás ferramentas de
programación Scratch e GameMakers. “Todo isto”, informa
Deputación, “realizarase baixo a filosofía do faino ti mesmo e
as metodoloxías Lean e Learning by doing, a través
de obradoiros extraescolares en horario lectivo, cunha duración de
entre 2 e 4 horas por taller”.
Participan
centros escolares de toda a provincia.
As
actividades comezaron o xoves 17 de febreiro no CEIP Valle-Inclán de
Muíños e chegarán a diferentes centros educativos da provincia ata
o 30 de xuño. De momento os centros confirmado son: CEIP Plurilingüe
de Maceda, CEIP Padre Feijoo (Allariz), CEIP Xoaquín Lourenzo Xocas
(Bande), CEIP de Sandiás, CEIP Plurilingüe de Os Blancos, CEIP
Xuvencos (Boborás), CEIP de Beariz, CEIP Irmáns Villar (Ourense),
CEIP Vistahermosa (Ourense), CPI Antonio Faílde (Ourense), CEIP
Curros Enríquez (Ourense), CEIP de Castrelo de Miño, CEIP
Plurilingüe de Ribadavia, CEIP Virxe de Guadalupe (Avión), CPI
Virxe dos Remedios (Castro Caldelas), CEIP Rogelio García Yáñez
(Ramirás), CEIP Joaquina Gallego Jorreto (A Merca), CEIP Plurilingüe
Manuel Bermúdez Couso (Trives), CEIP Manuel Respino (A Rúa), CEIP
Plurilingüe Condesa de Fenosa (O Barco), CEIP Eduardo Ávila
Bustillo (A Veiga), CEIP de O Bolo, CEIP Vicente Risco (Cualedro),
CEIP de Oímbra, CEIP de Bibei (Viana) ou o CPI Laureano Prieto (A
Gudiña). Ata o 30 de xuño esperase chegar a máis centros dos xa
confirmados.