CAI Sistemas convida a participar na súa Xornada de Asesores de Empresas, o 3 de maio en Vigo
venres, 13 de abril do 2012
- Público e relatores dunha das anterioes edicións do encontro profesional
A
empresa viguesa CAI Sistemas organiza o vindeiro 3 de maio a terceira
edición da Xornada
de Asesores de Empresas, no Auditorio Mar de Vigo. O obxectivo
deste evento é, en palabras da firma galega, propiciar un punto de
encontro para que os profesionais do sector intercambien experiencias
e coñecementos do xeito máis fluído e enriquecedor, ao tempo que
se fomentan as colaboracións entre empresas participantes. Segundo
engade CAI, estamos ante unha “cita
imprescindíbel para asesores de empresas e xestores administrativos,
directores de asesorías, xestorías e despachos profesionais, así
como para usuarios de aplicacións informáticas profesionais nos
eidos devanditos”.
A
xornada, que será de entrada libre, de balde, comezará ás 9.30
horas coa recepción dos asistentes para logo abordarse temas de
actualidade e interese xeral, como por exemplo as implicacións da
reforma laboral, a campaña da renda ou metodoloxías actuais para
combater a crise dende as empresas.
O
acto está previsto que remate sobre as 14.00 horas, co sorteo de un
iPad entre as persoas que estean presentes no evento. Segundo informa
CAI, empresa TIC centrada no sector do asesoramento e a consultoría,
a xornada contará para o seu desenvolvemento coa colaboración de
entidades públicas e privadas, entre as que se inclúen o Colexio
Oficial de Titulados Mercantís e Empresariais de Galicia, o Colexio
de Economistas de Pontevedra ou o Grupo Femxa, entre outros.
O
evento contará coa presenza de Ana Isabel Docabo, responsable da
área fiscal de CAI Sistemas, que comezará coa presentación
de novidades para a Campaña de Renda e Sociedades 2011. A
continuación Jaime Cabeza, catedrático de Dereito do Traballo e da
Seguridade Social da Universidade de Vigo impartirá unha charla
sobre A Reforma Laboral, para, logo dunha pausa-café,
retomarse a actividade co relatorio Como gañarlle ao 2012? a
cargo de Jordi Amado, director xeral de Planificación Xurídica.
A última conferencia, baixo o epígrafe En que podemos e debemos
mellorar? será impartida por Yolanda Álvarez, xerente de BaB
Selección e Formación.