Apple renova os seus ordenadores portátiles
martes, 14 de outubro do 2008
- A incorporación de procesadores gráficos nVIDIA GeForce 9400M é unha importante mellora para os Macbook
Despois de renovar a súa liña de
reprodutores multimedia e o iPhone 3G a Apple quedáballe unha
importante materia pendente, os seus ordenadores portátiles, e hoxe Steve Jobs
presentou o que serán os novos Macbook e Macbook Pro, nunha aposta polo
aluminio e pola potencia gráfica que agradecerán os seus futuros compradores.
A grande novidade para os Macbook estarÃa no abandono da súa carcasa de
plástico, que pasarÃa a ser substituÃda por unha peza de aluminio (de xeito que
agora non haberÃa unha clara diferenciación externa entre os portátiles básicos
e os profesionais da compañÃa de Cupertino), pero deixando de lado este
elemento estético e ecolóxico, a incorporación de tarxetas de vÃdeo nVIDIA
GeForce 9400M, que nun principio só estarán presentes nos portátiles de Apple,
supón un importante salto para os Macbook, que poderán mellorar asà o seu
rendemento multimedia e resultando aptos incluso para o uso de videoxogos.
- Jobs tomou a broma o seu estado de saúde como tamén fixera na presentación do mes pasado
Os Macbook Pro pola súa banda seguen o
mesmo camiño que os Macbook en estética e procesador gráfico (pero cun teclado
retroiluminado), e mesmo trasladan este posibilidade aos Macbook Air, equipos
que cunha tarxeta gráfica nVIDIA GeForce 9400M e un disco duro de 120 Gb (ou un
SSD de 128 Gb) melloran en prestacións para converterse nunha opción realista
para usuarios que busquen algo máis que estética e mobilidade non equipo portátil.
Steve Jobs tampouco deixou de falar dun dos produtos que a súa compañÃa máis
deixou de lado nos últimos anos, os monitores, e finalmente renovan os Cinema
Display de 24 polgadas, incorporando tecnoloxÃa de retroiluminación LED,
presentando unha resolución de 1.920 x 1.200 pÃxeles (coa que a competencia xa
contaba dende hai moitos meses), a cámara iSight, micrófono, son estéreo e 3
portos USB.
Tampouco faltaron alusións á saúde de Jobs (quen incluso presentou ao público
cal era a súa tensión arterial, reiterando o uso dos rumores sobre o seu estado
de saúde a xeito de broma), se
xustificou a ausencia do porto HDMI e do Blu-ray nos novos equipos
(queren agardar a ver se o Blu-ray se asenta no mercado antes de introducilo
nos seus ordenadores) e incluso defenderon que as pantallas dos novos equipos
só se vendesen en versión brillante, o
que resulta molesto para moitos contornos de traballo por mor dos reflexos
(cando moitos fabricantes inclúen a opción de pantallas mate).