A rebaixa de prezo da Xbox 360 incrementa as súas vendas un 40%

O pasado venres a consola Xbox 360 de Microsoft baixou de prezo de xeito que o modelo básico custa tan só 199,99 euros, resultando máis barata que a Nintendo Wii, converténdose na consola de nova xeración máis económica, o que parece que afectou claramente ás vendas, cando menos no Reino Unido, onde se rexistrou un incremento das vendas nun 40%, o que se podería trasladar ó resto de Europa.
Hai que destacar que a Xbox 360 é a consola de nova xeración que leva máis tempo no mercado, polo que conta cun catálogo de xogos moi amplo, de aí que resulte moi atractiva a súa rebaixa de prezo. Amais, os propietarios de televisores de alta definición tamén poden empregar a consola para ver películas descargadas da Internet aproveitando a calidade que ofrecen as novas pantallas.
Curiosamente a Nintendo Wii continúa mantendo o seu prezo pese a que leva bastante tempo no mercado e as súas prestacións están moi por debaixo dos seus competidores. Queda por ver se o cambio de prezos da Xbox 360 ten algunha repercusión nas consolas xaponesas.