A empresa galega Meigasoft certifica a seguridade das súas tendas con Trusted Shops
luns, 15 de marzo do 2021
A
empresa galega Meigasoft
comezou o ano cun importante recoñecemento á súa excelencia en
materia de desenvolvemento. Trátase da obtención, este 2021, da
certificación oficial de Trusted Shops pola
súa solución Velfix. A empresa de programación galega, que
xestiona máis de 70 tendas online de moda tanto en Galicia
coma do resto de España, xa é colaboradora certificada oficial de
Trusted Shops, que ten entre os seus principais cometidos apostar
pola seguridade á hora de mercar na Rede e facilitar aos
consumidores sitios seguros onde facelo.
Meigasoft
lembra que se trata da primeira empresa tecnolóxica galega en contar
con esta certificación, o que supón, sinalan dende Meigasoft, “un
avance no posicionamento de Galicia no mercado en liña, dado que
unha gran porcentaxe dos clientes da nosa empresa proceden da
Comunidade”.
Meigasoft
e Trusted Shops traballaron man a man para cumprir o estándar de
calidade que verifica que as tendas online desenvolvidas con
esta tecnoloxía cumpren todas as normativas legais a nivel europeo.
A solución galega apostou dende os seus inicios por un
desenvolvemento a medida e unha atención personalizada que
facilitasen as vendas aos seus clientes. “Porén”, explican dende
Meigasoft, “os avances continuos do sector fan que cada día xurdan
novidades ás que adaptarse para mellorar o servizo, como a
implantación do selo de Trusted Shops”. Para logralo, a empresa
galega fixo evolucionar a súa solución e traballou ombro con ombro
cos seus clientes para dar novos pasos en seguridade, “cumprindo
uns exhaustivos controis de calidade, como adecuación de directrices
legais ou control sobre os procesos de venda de cada unha das
tendas”.
Algunhas
das vantaxes de Trusted Shops son aumentar o tráfico na web,
incrementar a taxa de conversión, diminuír o abandono dos carriños
ou incrementar o mantemento no tempo dos clientes. Despois da compra,
as tendas poden ser estimadas a través do seu sistema de valoración
que permite que os compradores poidan axudar a outros clientes a
informar sobre a súa experiencia de compra na tenda e obter ao mesmo
tempo tamén a opinión sobre os produtos comprados.