A PlayStation 2 segue a liderar as vendas de consolas domésticas

Un novo estudo da consultora Nielsen sitúa á PS2 como a consola de videoxogos doméstica máis vendida na actualidade, en boa medida debido ó seu atractivo prezo (uns 129 euros) e ó seu inmenso catálogo de xogos, de xeito que as novas consolas (a Xbox 360, a Nintendo Wii e a mesma PS3 de Sony) non conseguen desbancar á súa anterior xeración (composta pola Xbox, a GameCube e a PS2).
Deste xeito, as novas versións das consolas non supoñen a morte das súas predecesoras, ás que parece que aínda lles quedan bastantes meses por diante, en espera a que as novas consolas teñan uns prezos máis atractivos e un mercado máis grande que provoque que o fabricantes elaboren máis xogos para as mesmas.