A PSP-3000 baixa de prezo

A PSP Go chegará ao mercado en outubro a un escandaloso prezo de 249 euros, o que aínda resultará máis esaxerado se temos en conta que Sony vén de reducir oficialmente o prezo da súa PSP-3000, que agora custará 169,99 euros nas súas distintas versións (en cor negra, azul, prata, branca e vermella), o que supón un aforro duns 15 euros, no que pretenden que sexa un pulo para animar a algúns xogadores a facerse coa consola portátil de Sony de cara ás vacacións estivais.
Non hai que esquecer que estamos a falar do prezo oficial da consola, pois en moitos establecementos é doado atopar polo mesmo prezo a consola con cun xogo e/ou película de agasallo, facendo aínda máis atractiva a súa compra.