Yahoo! 360º pechará no verán

Xa se tiña comentado, pero agora é oficial que o servizo Yahoo! 360º, que viña a ser a grande aposta pola Web 2.0 de Yahoo!, pecha definitivamente o vindeiro 13 de xullo tras máis de 4 anos de vida (e cuns 2 anos considerado coma un proxecto fracasado). Curiosamente Mash, pretendía coller o relevo de 360, e xa pechou hai tempo, polo que entendemos que Yahoo! queda fóra do xogo dos perfís en liña.