Xuntanza de blogueiros na cidade do Lérez

Xuntanza de blogueiros na cidade do Lérez Planeta Pontevedra, un blog creado por tres compañeiros “con inquedanzas informáticas” que recolle un resumo das bitácoras escritas dende a cidade do Lérez, vai celebrar o vindeiro venres 13 de xuño a II Beers&Blogs, unha reunión de tódolos seus integrantes que por primeira vez se verán “de ti a ti” para poñerlles caras ós seus cadernos en liña.
Esta xuntanza terá lugar na cafetería Hippo (situada na Praza de Barcelos) ás 20:00 horas e poderá acudir calquera blogueiro que, segundo palabras dos organizadores, “non sexa tímido” e queira compartir un anaco de lecer con eles.