Xa podemos presentar proxectos a EmprendedorXXI, que vén cunha manchea de premios
venres, 25 de outubro do 2019
- As gañadoras e gañadores da edición 2019 do certame
As
emprendedoras e emprendedores da nosa terra xa poden presentar os
seus proxectos ao certame Premios EmprendedorXXI, que teñen aberta a
convocatoria até o 4 de decembro e que distinguirán con diversos
recoñecementos as iniciativas máis innovadoras de toda España e
máis de Portugal e con meirande impacto en cadanseus territorios.
Estas distincións veñen da do Ministerio de Industria (a través de
ENISA) e Caixabank a través de Day Onte. Os proxectos gañadores
poderán obter premios en metálico, programas de formación
internacional en Silicon Valley e a Universidade de Cambridge e a
posibilidade de desenvolver un proxecto piloto de innovación para
CaixaBank.
Desde
a súa creación en 2007, o programa investiu 5,2 millóns de euros
en recoñecementos da máis diversa Ãndole e accións de
acompañamento para emprendedores, beneficiando a un total de 360
empresas. Os galardóns entregaranse no marco das xornadas DayOne
Innovation Summits, a gran xuntanza das e dos protagonistas do
sistema emprendedor e tecnolóxico hispano-portugués.
Até
o 4 de decembro, os interesados en participar poden presentar a súa
candidatura a través da páxina web www.emprendedorxxi.es.
Nesta
edición, galardoarase ás mellores empresas dos sectores AgroFood
(industria agroalimentaria), Health (saúde), Senior
(servizos para xente maior), Mobility
(solucións de mobilidade), PropTech (servizos para o sector
inmobiliario) e Impact (proxectos de impacto social), as cales
recibirán unha dotación económica de 15.000 euros.
Por
outra banda, ENISA ofrece a todos os participantes a posibilidade de
acceder ao seu financiamento en materia de emprendemento innovador, a
través do préstamo participativo, mediante as súas diferentes
liñas de financiamento: Mozos Emprendedores, Emprendedores
e Crecemento. En 2019 o orzamento, que ascende a un total de
98,5 millóns de euros, dará cobertura a máis de 600 proxectos
empresariais, o que suporá un investimento inducido de 214,2 millóns
de euros.
Doutra
banda, entregaranse un total de 19 premios ás empresas con maior
impacto na súa área de procedencia: 17 en España (un por
Comunidade Autónoma) e 2 en Portugal (Norte-Centro e Lisboa-Sur e
Illas), que recibirán 5.000 euros.