Xa está aberta a inscrición á 4ª edición de Unirede

A cuarta edición do Foro Galego da Web 2.0, Unirede, celebrarase o sábado 18 de abril na sede da Fundación de Pontevedra. Unirede pretende mostrar, os logros da web 2.0 en Galicia; fomentar a interacción entre os diferentes actores da Social Media en Galicia e difundir entre a sociedade as vantaxes e as posibilidades de desenvolver a web social nos diferentes sectores económicos de nosa comunidade.
Como relatores principais contarase con referentes nos seus sectores: Erika Silva, directora de a Escola de Mercadotecnia Gastronómica, Alfredo Vela, formador en mercadotecnia e novas tecnoloxías, Mario Schumacher consultor social media e coordinador de eventos de promoción turística, Damián Melero responsable de IT dunha gran cadea hoteleira nacional ou Pablo Melián creador dos eventos de networking GinAndTwitts.
O cadro de relatores complétase dende Galicia con Roberto Pérez Marijuán, Juan J. Romero Crusat e Christian Delgado. Ademais contará con participantes expertos nos diferentes paneis de experiencias e boas prácticas do turismo a gastronomía e o 2.0 en Galicia.
Ao igual que aconteceu nas edicións anteriores, Unirede converterase no lugar ideal para facer newtorking xa que ese día será punto de encontro para o sector 2.0 de Galicia, estando xa aberta a inscrición ao evento a un prezo reducido até o 8 de abril.