Vodafone lanza o seu segundo Reto 5G
venres, 19 de xuño do 2020
A
operadora
de telecomunicacións Vodafone anunciou finalmente o reinicio do seu
Reto 5G, unha proposta xeral da empresas para promover servizos,
produtos e proxectos de innovación para empresas e particulares que
empreguen o devandito estándar móbil. Dito doutro xeito: trátase
de mobilizar contribucións tecnolóxicas que “liquiden problemas
de amplo impacto” a través do uso da dita tecnoloxía ou que
“fagan un uso diferencial dela”. Na primeira edición do desafío
chegaron á final 14 proxectos.
Vodafone
lanzou esta iniciativa en primicia nun acto online en
colaboración con Android Platform Partnerships, Google for Startups
e Madrid Android Developer Group. O obxectivo é “chegar a un gran
número de comunidades, startups e desenvolvedores”.
Como
novidade e debido á situación de crise sanitaria que obrigou a
reformular a metodoloxía e os tempos da convocatoria, esta estará
mantida no tempo, polo que non contará cunha final coma na edición
anterior, senón que un xurado de expertos seleccionará ao longo dos
vindeiros meses os mellores proxectos segundo criterios de
innovación, impacto e viabilidade dos mesmos en dúas categorías:
·
Premio á mellor solución de particulares
·
Premio á mellor solución de empresas
Os
galardóns inclúen “desenvolver a solución na rede piloto 5G de
Vodafone”, unha chea de “alternativas de difusión do proxecto
nas canles de Vodafone” e a” posibilidade de crear un modelo de
negocio conxunto”.
Os
participantes poderán presentar os seus proxectos na páxina web de
Vodafone en distintos formatos, abríndose o certame a calquera
sector.