Ve a luz o xogo español Raiders of the Broken Planet
venres, 22 de setembro do 2017
O estudio de videoxogos español MercurySteam, que
recentemente estreou o xogo Metroid: Samus Returns, non perde
folgos e hoxe mesmo estrea Raiders of the Broken Planet,
un shooter en terceira persoa do que
xa podemos descargar
de balde o seu prólogo para PC, Xbox
One e PlayStation
4, para coñecer as súas mecánicas e asà decidir se mercar as súas 4
campañas seguintes, das que xa está dispoñible a primeira, Alien Myths, a un prezo de 9,99 euros.
Este xogo de 4 contra 1 permite seleccionar entre Harec, Konstantin, Alicia e Lycus
como Raiders que deberán loitar contra os humanos invasores, aÃnda que o
xogador tamén pode optar por mudar de bando e loitar como Antagonista, pasando
a estar baixo as ordes de Uras-Beherit, un demo do mundo antigo.
En Raiders of the Broken Planet
haberá que facer uso de Aleph, substancia só presente no Planeta Roto, que os combatentes
empregan para incrementar a súa resistencia e velocidade, e aos que haberá que
arrebatar antes de matalos, facéndonos asà tamén coa súa munición, de xeito que
non estamos ante un tÃtulo que poida xogarse só a distancia.
As coberturas tamén
xogan un rol esencial nas súas mecánicas, de xeito que poden empregarse tamén
como sistema de ocultación aÃnda que empregando o Aleph será posible detectar a
inimigos a través de obstáculos (de xeito que non sempre estaremos tan ocultos
como pensamos).
Os xogadores que confÃen nesta produción de MercurySteam poden optar por
facerse co xogo completo por 39,99 euros, o que facilitará o acceso non só ás
súas campañas segundo vaian saÃndo nos vindeiros meses, senón tamén a contidos
adicionais (como o feito de poder gozar con antelación de 3 novos personaxes:
Mikah, Dr. Kuzmann e Ginebra).
- Raiders of the Broken Planet contará con 4 campañas que irán saÃndo nos vindeiros meses, e que preséntanse cuns carteis que poden lembrarnos aos grandes xogos da Idade de Ouro do software español.
Tráiler do xogo estreado co gallo da Gamescom