Un vídeo amosa as melloras gráficas da versión de Tomb Raider para PS4

Lara Croft presenta un redeseño da súa cara en Tomb Raider: Definitive Edition

O vindeiro día 31 chega ás tendas de videoxogos Tomb Raider: Definitive Edition, unha revisión do xogo que redescubre a figura de Lara Croft, que adáptase ás consolas de nova xeración, o que supón a incorporación de numerosas melloras, como veñen de dar conta dende IGN, onde publicaron un vídeo no que comparan as edicións para PlayStation 3 e PlayStation 4 do xogo.
A principal diferencia entre ambas versións do xogo é claramente a carga poligonal dos seus gráficos, graza á potencia suplementaria da PS4, pero os desenvolvedores das versión de Xbox One e PS4 non quixeron quedar aí, e tamén melloraron as texturas, engadiron unha maior profundidade nos efectos ambientais e incluso chegaron a redeseñar a cara da protagonista para conseguir un maior realismo. De feito, este é o cambio máis notable entre a revisión do xogo e a versión para PC da anterior entrega (que en equipos moi potentes xa podía amosar gráficos de nova xeración).
Estamos ante un excelente exemplo da mellora gráfica que pode supor o cambio de xeración de consolas, aínda que para que o público poida ver mellor esta evolución será preciso agardar á chegada de títulos deseñados exclusivamente para as novas plataformas, que serán os que poderán espremer non só as gráficas máis potentes, senón tamén a maior cantidade de memoria e a potencia do procesador para poder controlar máis elementos á vez, dando lugar a escenarios máis completos e intelixencias artificiais máis potentes.

Vídeo de comparación entre as versións de PS3 e PS4 do último Tomb Raider