Un experto advirte que Second Life supón un risco de aillarse socialmente

Segundo afirmou o neurocientífico Antonio Damasio, director do Instituto do Cerebro e a Creatividade de California, “pasar demasiado tempo en Second Life non é bo para a saúde mental e pode chegar a aillar ós individuos”.
Damasio, que recibiu o premio Príncipe de Asturias en 2005, leva anos investigando a mente e o comportamento dos humanos e afirmou que a sociedade e a cultura son as chaves para que o ser humano desenvolva a súa creatividade ó máximo, servíndose das “novas ferramentas” que nos permitirán potenciar as nosas facultades creativas.