Un espantallo 2.0 e un chaleco vibrador para discapacitados auditivos destacan en Galiciencia 2016
venres, 18 de novembro do 2016
- Natalia Fariña, xunto ao seu profesor David Ballesteros, recollendo o 2º premio de Galiciencia 2016
O
xurado de Galiciencia 2016 seleccionou entre 50 proxectos os máis salientable
para poder acudir á feira cientÃfica estatal Exporecerca 2017, entre os que non
podemos evitar destacar os gañadores que fan un maior uso das TIC, entre os que
estarán o segundo premio absoluto e o proxecto máis innovador.
Como segundo premio temos o espantallo 2.0 deseñado por Natalia Fariña, das
Aulas cientÃfico-tecnolóxicas Isidro Parga Pondal de Ponteceso. A investigadora
construÃu dous modelos de espantallo para comparar a súa eficacia: un
convencional feito con roupa vella, xornais e unha pelota, e outro innovador,
con forma piramidal. Este último estaba impreso en 3D, recuberto de papel
reflectinte para molestar á vista dos paxaros e tamén reforzouse con LED para poder
funcionar cando non houbese sol. No seu interior leva unha placa electrónica na
que están conectadas, aparte das luces, unha placa de humidade, unha de son e
un sensor de movemento. Sobra dicir que tras as probas realizadas o espantallo
2.0 demostrou maior eficacia que o tradicional.
Por outra banda, José MarÃa Blanco e David Zapatero, do Colexio Plurilingüe
Montecastelo de Vigo, recibiron o premio ao proxecto máis innovador polo seus
sistema de percepción somatosensorial mediante a estimulación vibrotáctil en
persoas xordas. Este proxecto pretende mellorar a calidade de vida das persoas
con discapacidade auditiva, para o que crearon un chaleco axustado ao corpo no
que se sitúan uns micromotores vibradores estimulados polos sons do ambiente e
interceptados por un micrófono conectado a unha placa Arduino que emite sinais
eléctricas que chegan aos motores producindo distintas combinacións de
vibracións polas que os usuarios perciben o que acontece ao seu redor.
- FotografÃa de grupo dos participantes en Galiciencia 2016