Titirinoia renova web e lánzase de cheo ás redes sociais
martes, 10 de xuño do 2014
O Festival de Monicreques
de Noia, Titirinoia, vén de abordar unha campaña de promoción da
actividade de seu facendo especial fincapé no ámbito dixital. Por
unha banda a organización puxo en marcha unha páxina web renovada,
www.titirinonia.com, dende
a que achegar un foco principal e referencial de información sobre
os detalles da segunda edición deste festival galego (días,
programa de sesións, lugares das actuacións, grupos teatrais
participantes, etc). Pola outra, abordouse unha completa estratexia
de promoción nas redes sociais, botando man de sitios propios en
Facebook, YouTube
e Twitter e dunha
etiqueta con vocación internacional:
#todanoiaepartedoestranxeiroexpectante.
O festival en cuestión
celebrase os días 11, 12 e 13 de xullo e contará, en palabras do
seus responsábeis, “con algunhas das principais compañías de
monicreques de Galicia, Catalunya, Aragón e Madrid”. Por exemplo
Titiriteros de Binefar (Aragón), Centro de Titelles de Lleida
(Cataluña) ou Producciones Cachivache (Madrid), ás que cómpre
engadir as agrupacións galegas Viravolta Títeres, Marionetas
Trécola, Inacio Vilariño, Marta Ortiz, Títeres Cachirulo, Raquel
Queizás e Títeres Cascanueces.
