The Monday Reading Club Vigo chega á súa novena edición
luns, 13 de setembro do 2010
Esta tarde dará
comezo ás 19:30 horas en La Casa del Libro de Vigo (na rúa Velázquez Moreno,
27) unha nova
edición do Monday Reading Club, evento de carácter mensual que xunta a
profesionais do márketing, o comercio electrónico, as tendencias, a Internet…
para debater entorno a un libro que nesta ocasión será o Sácale
partido a Internet. Técnicas para incrementar ventas, visitas y resultados
de René
de Jong. O texto céntrase na presenza corporativa na Internet dun xeito moi
práctico e didáctico, centrándose nunha explotación activa dos novos recursos
que van máis aló da mera presenza na web, e ilustrando todo con exemplos como
que anunciarse na Rede coma «curso de
inglés» ten 10 veces máis posibilidades de achegar visitas que «escuela de inglés».
A asistencia a este club de lectura é de balde, e incluso resulta de proveito
pese a non ter lido o libro do mes, pois as conversas desenvolvidas ao redor da
súa temática serán igualmente enriquecedoras para os profesionais do sector. Os
interesados en acudir ao encontro poden confirmar a súa
asistencia a través de Facebook.