Telecable di adeus ao fútbol para a tempada que vén
luns, 14 de agosto do 2017
O verán de 2015 será lembrado por moitos como o da guerra do
fútbol, pois negociáronse numerosos acordos de emisión que principalmente contribuÃron
a que Movistar adoptase unha posición de grande forza que incluso levou a
Vodafone a seguir unha senda bastante innovadora (aliándose con plataformas en
liña como Netflix e HBO para completar a súa oferta audiovisual) e que como
consecuencia máis acusada temos que o operador R quedaba sen fútbol televisado,
deixando a súa oferta televisiva na peor situación da historia da compañÃa.
Ante esta situación produciuse unha resposta moi rechamante por parte de R, que
recomendaba aos seus clientes que, de querer poder seguir gozando do fútbol, en
vez de cambiar de compañÃa, recorresen
a plataformas de deportes por streaming, en concreto, o servizo de Telecable.
Tedi era a plataforma de Telecable que
permitÃa contratar canles de fútbol con independencia do noso operador (xa que
as retransmisións realizábanse a través da Rede) e, para facilitar a adopción
desta solución, incluso
comercializaban a tediBox, un pequeno trebello con Android personalizado
para poder recibir o sinal das retransmisións deportivas no noso televisor
sempre que contemos cunha acceso á Rede a través de Wi-Fi ou cable cun mÃnimo
de velocidade.
Pero esta interesante solución vén de dicir adeus, pois dende Telecable
confirman que as condicións que esixen para a renovación dos dereitos de
emisión do fútbol fan imposible de sustentar o negocio, polo que deciden
botar o peche de tedi TV, advertindo de que en breve
publicarán unha actualización da tediBox para liberar o dispositivo, pasando a ser un Android sen limitacións.
Alternativas a tedi TV
Pero o peche de tedi TV non fai que desapareza o fútbol
legal por streaming, xa que aÃnda se
manteñen en activo un par de plataformas bastante célebres en España: beIN Connect e Opensport.
No caso de beIN Connect, a plataforma ofrece as canles deportivas beIN Sports
LaLiga, beIN Sports, LaLiga 1|2|3tv e GolHD por 9,99 euros dentro do seu lote
de fútbol, destacando por contar tamén cun lote de canles de lecer (Fox, ANX,
TNT, TCM, Fox Life, Nickelodeon, National Geographic Channel, Comedy Central e
Historia) por 7,99 euros de xeito independente ou 14,99 euros de xeito conxunto
co fútbol.
Pola contra, a oferta de Opensport é puramente deportiva, de xeito que as súas
modalidades son 2: unha subscrición mensual por 9,99 euros e a posibilidade de
contratar semanas soltas por 4,99 euros. En ambos casos aceptan 2 conexións
simultáneas (mentres que beIN Connect só acepta 1 usuario de cada vez) e inclúe
El Partidazo, La Liga 123, o motor, deportes extremos e incluso unha canle de
loita, polo que esta oferta irÃa máis aló do fútbol, pero manténdose no ámbito
deportivo.
Tanto beIN Connect como Opensport poden verse no PC, en dispositivos con
Android (incluÃndo Android TV) e iOS, a través de Chromecast e incluso no Apple
TV, de xeito que a súa dispoñibilidade é bastante boa. Tamén hai algún Smart TV
que inclúe as aplicacións para poder gozar destes servizos dun xeito cómodo.