Steam permitirá xogar en liña aos tÃtulos que teñan multixogador local
martes, 22 de outubro do 2019
Steam, a tenda de videoxogos de Valve, revoluciona o xeito
de entender o xogo en liña grazas a unha nova funcionalidade en probas, Remote
Play Together, que permite convidar aos amigos de Steam a unirse a unha
partida cooperativa local, multixogador local e pantalla compartida ou dividida
a través da Internet, soportando até 4 xogadores (ou incluso máis en condicións
ideais) que poderán xuntarse ao momento para gozar dunha sesión de xogo
conxunta na que o único que precisará ter o xogo en propiedade é o usuario
anfitrión.
Temos asà que os tÃpicos xogos que podiamos compartir cos amigos de xeito
presencial poden agora compartirse de xeito remoto, ampliando de xeito
considerable o número de xogos que permite o xogo en liña (xa que esta
prestación é compatible con xogos que non se deseñaron para xogar a través da
Internet).
O anfitrión só compartirá co resto de xogadores o xogo en si (o resto do
escritorio e documentos que se teñan no equipo estarán libres de miradas
alleas), de xeito que o usuario pode controlar en todo momento o nivel de
acceso que dá ao resto de usuarios.
Neste momento está
aberta a beta de Remote Play Together, de xeito que calquera usuario
que o desexe pode participar deste modo de xogo en liña que xa é compatible con
máis de catro mil tÃtulos.