Spotify ábrese a calquera podcast
venres, 5 de outubro do 2018
Dentro da liña aperturista de Spotify, na que a plataforma
aposta pola desmediación, non se están a limitar a permitir
que os artistas independentes poidan publicar a súa música directamente sen
ter que recorrer a algunha editora (tradicional ou dixital), senón que tamén
están a facer o mesmo con formatos como o podcasting, de xeito que xa non será
preciso que
un podcast pertenza a unha rede como Cuonda ou Emilcar FM para estar
dispoñible dende a aplicación de Spotify.
Para facer iso posible estrean
a beta de Spotify for Podcasters, unha plataforma que permite a calquera
podcasteiro que hospede o seu produto en calquera plataforma, a posibilidade de
remitir os seus contidos a Spotify para que os achegue aos seus máis de 180
millóns de usuarios. Os podcasts incorporados a Spotify non se reproducen dende
a súa fonte orixinal, senón que Spotify copia cos contidos aos seus servidores,
o que garante unha boa reprodución e pode supor tamén un importante aforro para
os podcasts que empregan unha hospedaxe de pagamento, á vez que facilita estatÃsticas
diarias de reprodución, o que facilita coñecer mellor á audiencia con
información como a súa localización, a súa fidelidade e certa información
demográfica.
AÃnda que polo momento non é moi habitual escoitar podcast en Spotify, pode
converterse nunha plataforma de reprodución moi relevante en poucos meses, por
facilitar o descubrimento e a reprodución de contidos dende unha aplicación que
moitos usuarios xa empregan a diario e coa que están máis que familiarizados
(en contra do que acontece co resto de podcatchers).