Sonic celebra os seus 25 anos cunha campaña solidaria
martes, 21 de xuño do 2016
Esta
semana celébrase os 25º aniversario do lanzamento do xogo Sonic the Hedgehog, e para conmemorar tal data simbólica dende SEGA
tiveron a ben colaborar con Humble Bundle lanzando un lote de xogos do seu
ourizo azul cos que recadar fondos para contribuÃr coas organizacións sen ánimo
de lucro Child’s Play Charity, SpecialEffect, UNICEF e WWF.
Esta campaña solidaria protagonizada por Sonic resulta moi atractiva, xa que os
usuarios que paguen a partires de 1 dólar poderán facerse coas versións para PC
do xogo de Sonic orixinal (na súa versión de Mega Drive), Sonic Adventures DX, Sonic 3D
Blast (na súa versión para Mega Drive) e Sonic CD, xogos que poden
considerarse auténticos clásicos.
Os que queiran facerse con algúns xogos máis
poden optar por pagar máis que a media recibirán o moderno Sonic The Hedgehog 4 – Episode 1, Sonic & SEGA All-Stars Racing, Sonic The Hedgehog 2 (Mega Drive), Sonic Adventure 2 e algún xogo máis que se introducirá no lote a
semana que vén. E finalmente, os que paguen a partires de 10 dólares
desbloquearán tamén Sonic Lost World,
Sonic Generations, Sonic the Hedgehog 4 – Episode 2 e Sonic & All-Stars Racing Transformed.
No momento de escribir estas liñas a cantidade media pagada polos xogadores que
están a apoiar este iniciativa solidaria aproxÃmase moito aos 10 dólares, o que
parece ser consecuencia dunha recompensa adicional que chegará para os que
acheguen a partires de 35 dólares, e que consiste, xunto cos xogos citados,
nunha camiseta exclusiva para celebrar o 25º aniversario de Sonic.