Sogecable toma o control das decisións estratéxicas de Audiovisual Sport

Sogecable anunciou que se fixo co control exclusivo de Audiovisual Sport tralos últimos cambios no accionariado e nos acordos de reparto de poder na empresa, que garanten o dominio da toma de decisión na xestión de dereitos de fútbol.
Agora Sogecable posúe o 75% de Audivisual Sport, mentres que Mediapro ostenta o 25% restante, saíndo da sociedade Televisión de Cataluña, e modificando o sistema de toma de decisións estratéxicas, que agora quedará só en mans de Sogecable, polo que a compañía notificou tal ante o Servizo de Defensa da Competencia.