Sky levará ás 3D aos fogares británicos en outubro

A canle televisiva británica Sky confirmou hoxe que o vindeiro 1 de outubro vai lanzar oficialmente a súa canle Sky 3D, que pretende ser a primeira canle de televisión europea que emita integramente en tres dimensións e que estará dispoñible para calquera dos usuarios domésticos de Sky⁺HD (sen cargo adicional) que conten cun televisor compatible coa tecnoloxía 3D, e que durante a fin de semana da súa inauguración incluirá a retransmisión dos 3 días que dura a Ryder Cup e a emisión das películas Bolt e Monsters vs Aliens, que son dúas das estreas cinematográficas en 3D de referencia.

Polo momento o servizo de Sky 3D só pode recibirse en pubs e clubs de Reino Unido e Irlanda

De cara ao Nadal, a canle pretende incorporar ás súas emisións grandes películas coma Alicia en el país de la Maravillas, Ice Age 3, Coraline, Fly Me To The Moon, Harry Potter y el Príncipe Mestizo e My Bloody Valentine, chegando Sky a un acordo con Disney, Fox, Universal, Warner, Paramount e DreamWorkd para ofrecer o mellor do cine en 3D, aínda que a súa oferta tampouco estará manca no que a deportes se refire, coa Premier League e outros campionatos en directo que serán dos grandes atractivos para achegarse ás 3D no fogar.
Actualmente Sky 3D pode recibirse en máis de 1.500 pubs e clubs espallados por todo Reino Unido e Irlanda, aos que achega retransmisións deportivas en vivo e 3D con grande éxito, e que ata o momento incluíu deportes coma o futbol, rugby, rugby union, criket e dardos.