R leva a súa fibra avanzada a 300 novos inmóbeis de Mos
xoves, 27 de xaneiro do 2022
R
compartiu detalles sobre a implantación de fibra óptica óptica
avanzada que está a desenvolver no concello de Mos (un proceso que
se estende neste intre ás catro provincias galegas). Segundo fixo
saber a operadora de orixe galega, preto de 300 novos inmóbeis dos
núcleos de Espaín, Bosende, Sobrado e Cotiño, no dito concello
pontevedrés, xa poden dispor de accesos ultrarrápidos a Internet de
ata 10 GB simétricos e “gozar dos servizos máis avanzados de
telecomunicacións do mercado”.
En
concreto, quedaron conectados 78 fogares e negocios en Espaín, 58 en
Sobrado, 78 en Bosende e 85 en Cotiño, respectivamente.
O
operador galego lembra que estes traballos completan as tarefas
recentes de despregadura nos núcleos de Atín, Casal, Campo de Eiro,
Rebullón, Gándara e Balteiro, onde se conectaron ás redes
avanzadas de R varios centos de vivendas e empresas deste concello da
ría de Vigo.
Deste
xeito, cando rematen os equipamentos enmarcados no vixente Plan
Avanza en que R traballa, 2.850 fogares e negocios xa se terán unido
á súa nova rede de fibra no concello de Mos, pois aos inmóbeis
incorporados no contexto do plan do Ministerio haberá que lles sumar
os conectados a través doutras accións de desenvolvemento de rede
que a compañía de telecomunicacións realiza na contorna dende hai
anos.
Este
e outros desenvolvementos de rede na provincia de Pontevedra forman
parte dun dos tres proxectos do Plan PEBA-Avanza do Ministerio de
Asuntos Económicos e Transformación Dixital dos que R resultou
adxudicataria en 2018 para despregar a tecnoloxía FTTH en 512
núcleos de Galicia que non dispoñían de alta velocidade ata o
momento (“zonas brancas”).
No
desenvolvemento do tres plans investirase un total de 10M€, dos
cales case 8M€ son subvencionados polos fondos FEDER da Unión
Europea. En concreto, as despregaduras de Mos enmárcanse no proxecto
destinado á extensión de redes de nova xeración en 196 núcleos de
concellos do suroeste de Galicia (Pontevedra). Os traballos nestas
zonas suporán un investimento total de 3,75M€.