R e Casa de Tolos presentan en Culturgal a nova canle de música Tolemias
xoves, 29 de novembro do 2012
- Un recanto dos estudos de gravación A Casa de Tolos
O operador R
e o estudo de gravación Casa de Tolos participarán na edición 2012
de Culturgal, que abre as súas portas esta fin de semana, dando
a coñecer en todo detalle (orixes, obxectivos e a quen vai dirixida)
a nova canle de música que van pór en marcha de xeito conxunto: a
canle Tolemias. A presentación na feira pontevedresa da nova
aposta audiovisual galega acompañarase, ademais, da proxección dun
tráiler no que se dará conta dos contidos da nova canle, un vieiro
de acceso, a través do servizo de vídeo baixo demanda de R, “a
unha escolma de concertos gravados ao longo e ancho da nosa xeografía
baixo o denominador común do directo”, informan dende A Casa
de Tolos.
O acto desenvolverase na primeira
xornada da feira Culturgal, venres, no Pazo de Congresos de
Pontevedra, a partir das 12:30 h. Segundo se nos conta de Música
ao Vivo, a nova canle tamén vai achegar unha xanela aos mellores
concertos rexistrados no norte de Portugal, gravados coa unidade
móbil do estudo de gravación que dirixe Segundo Grandío. A canle é
de balde e poderase ver baixo demanda (VOD) na plataforma televisiva.