Queen estreará 10 cancións descargables para Rock Band

Queen xa contaba con 3 temas dispoñibles para Guitar Hero

Mentres grupos coma The Beatles, Van Halen e Metallica teñen os seus propios xogos musicais que permiten combinar voz e instrumentos, Queen tiña que confirmarse cun SingStar, o que pouco a pouco vai cambiando, e así, en varias entregas pasadas de Guitar Hero puidemos gozar dalgúns dos seus temas (concretamente Killer Queen, Fat Bottomed Girls e Under Pressure), pero agora confirman que o vindeiro día 20 estará dispoñible para a súa descarga un paquete con 10 cancións de Queen para o Rock Band.
Concretamente os temas que estarán dispoñibles en descarga serán as 3 cancións que xa estaban dispoñibles nos Guitar Hero engadíndolles Another One Bites The Dust, Crazy Little Thing Called Love, One Vision, I Want It All, Somebody to Love e Tie Your Mother Down.