Piden que TVE emita en panorámico
luns, 11 de xaneiro do 2010
A poucos dÃas para
o apagamento analóxico en moitas partes de Galicia, moitos son os consumidores
que aproveitaron a ocasión para renovar o seu televisor principal, adquirindo
un con TDT incorporada, atopando que as emisións actuais non poden verse con
satisfacción por culpa de que os televisores son panorámicos (16:9) mentres que
a meirande parte das emisións son en formato tradicional (4:3) polo que non
enchen a pantalla por completo ou teñen que deformarse ou recortarse as imaxes
para facer tal e, precisamente por iso, un blog dedÃcase a esixir que Televisión
Española modernice as súas emisións, criticando que vaian a emitir en alta
definición a través de TVE HD antes de normalizar o 16:9 nas emisións
ordinarias.
Incluso critican o que está a facer TVE nas retransmisións deportivas, onde
amosan os contidos en falso panorámico (14:9)
o que vai en detrimento tanto dos usuarios con televisores vellos coma nas
pantallas actuais, posto que en ningún dos casos conséguese unha visualización
óptima (o que resulta lamentable se consideramos que as imaxes en orixe son
16:9).
Resulta tamén bastante criticable que Clan TVE, 24 Horas e Teledeporte tampouco
emitan en panorámico pese a ser canles puramente dixitais, o que resulta
inxustificable nun momento no que canles privadas como La Sexta e Cuatro, e
autonómicas como TV3, Aragón TV e a propia TVG comezan a facer as súa achegas
ao formato 16:9.
Un dos argumentos para defender o formato 16:9 é que os usuarios de televisores
panorámicos verÃan as emisións de xeito óptimo, mentres que os usuarios de
televisores de 4:3 poderÃan decidir por si mesmos se ver a imaxe con bandas
negras superiores e inferiores ou recortando os laterais das imaxes (opción presente
nos receptores de TDT), dando a liberdade aos consumidores e non impondo cómo o
espectador debe ver a televisión.
- Demostración de que o falso panorámico vese mal en calquera televisor
- Demostración de que o formato 16:9 é o que dá máis liberdade ao usuario