Pecha a revista británica PC Zone
xoves, 15 de xullo do 2010
O traslado de audiencias do papel á web nas revistas de videoxogos está a
provocar unha crise do sector ilustrada polo constante peche de publicacións
que nalgún caso son auténticas veteranas, coma é o caso da revista británica PC Zone, que despedirase o
2 de setembro do seu público co seu número 225, poñendo fin a unha
cabeceira con máis de 17 anos de vida nos que era considerada como unha das
mellores revistas de videoxogos para PC de todo o mundo (e a primeira
publicación deste tipo no Reino Unido).
PC Zone só estaba a vender 11.000 copias ao mes,
o que non resulta sustentable para unha publicación deste tipo, que nacera das
cinzas da revista de videoxogos de distintas plataformas Zero (pechada en outubro de 1992) mantendo o seu peculiar sentido
do humor, o que dáballe un factor diferencial no sector.
Como tamén aconteceu en España, a revista tivo unha época na que entregábase
cun CD-ROM no que incluÃan demostracións de videoxogos, pero que chegaron a
causar grandes problemas á cabeceira, pois comezaron a incluÃr nos mesmos
niveis para ampliar a experiencia de distintos xogos coma Doom, colándoselles un mapa no que habÃa contido adulto (o que non
resultaba axeitado para unha revista orientada á mocidade). Tamén o peculiar
sentido do humor da revista creou fricción coas editoras de videoxogos, aÃnda
que está claro que foi a chegada da Internet a que supuxo a fin da época
dourada da publicación, pois os contidos antes incluÃdos en CD agora estaban
dispoñibles coma descarga de xeito masivo, e a información na web tamén está
máis viva e actualizada, o que está a afectar de xeito xeneralizado a todas as
revistas de videoxogos, aÃnda que no caso de PC Zone hai outro factor determinante da súa decadencia: as
consolas de videoxogos. Boa parte dos xogadores de PC saltaron á PlayStation, e
actualmente son usuarios de Xbox 360 ou de PlayStation 3, quedando só un grupo
reducido fiel ao PC (principalmente os amantes dos xogos de estratexia, e o
grupo máis duro de amantes dos FPS).