PS Plus incluirá este mes o xogo Tearaway Unfolded

En 2013 chamou bastante a atención no catálogo de xogos para PS Vita o xogo Tearaway, que chegou a ser considerado como o mellor xogo portátil/móbil durante a feira E3, e que en 2015 adaptouse á PlayStation 4 como Tearaway Unfolded, xogo que permitiría volver á orixinal proposta de percorrer un mundo máxico de papel no que rescatar aos nosos amigos e derrotar a monstros que van xurdindo no camiño para entregar unha mensaxe secreta, e que a partires do 7 de marzo poderán gozar sen custo adicional os subscritores de PlayStation Plus.
Por desgraza o resto de xogos incluídos no programa PlayStation Plus no mes de marzo son moito máis discretos e, de feito, poderían describirse como completos descoñecidos para a meirande parte dos usuarios, como está a ser habitual nos últimos meses. Teremos así que o segundo xogo para PS4 será Disc Jam, os xogos para PlayStation 3 serán Earth Defense Froce 2025 e Under Night In-Birth Exe: Late, mentres que para PS Vita teremos Lumo (compatible con PS4) e Severed.