Ourense acollerá unhas Xornadas sobre o Software Libre no Ensino
mércores, 12 de setembro do 2007
A asociación Ourense Software
Libre (OUSLI) organiza as Xornadas
de Software Libre no Ensino os vindeiros 5, 6, 19 e 20 de outubro para
proporcionar un punto de encontro onde estudantes, docentes, investigadores e
profesionais das TIC tomen contacto e coñezan experiencias educativas co
software libre en Galicia e no resto de España.
As xornadas organÃzanse durante fins de semana para facilitar a posibilidade de
asistencia ós interesados, e ten aberto o prazo de inscrición ata o 1 de outubro.
As inscricións custarán 40 euros para os asistentes xerais, mentres que os
estudantes pagarán 20 euros e os bolseiros da Universidade de Vigo, 10 euros.
O programa do encontro
inclúe conferencias para facer un achegamento ó software libre (destacando
iniciativas coma o Proxecto Mancomún), á distribución Galinux (Linux deseñado
para os centros educativos galegos), ás experiencias en centros galegos (coma o
IES Concepción Arenal de Ferrol, o IES Chan do Monte, o IES San Clemente de
Compostela, o IES Xulián Magariños ou o Conservatorio Profesional de Música das
Pontes de GarcÃa RodrÃguez) e a iniciativas en Cataluña, Madrid e Sevilla, que
pretenden ilustrar sobre as bondades do software libre no ensino.