Os xogos Resident Evil 6 e Left 4 Dead 2 cruzarán personaxes
venres, 15 de marzo do 2013
- Algúns inimigos de Left 4 Dead 2 incorporaranse en Resident Evil 6 a través dun DLC
Capcom
e Valve sorprenderon hoxe ao anunciar un proxecto conxunto que consiste en
cruzar as súas grandes sagas de xogos de zombis, de xeito que os
personaxes de Left 4 Dead 2 estarán
presentes na versión para PC de Resident
Evil 6 que sae á venda este mesmo mes, á vez que os inimigos deste
último xogo invadirán a versión para PC de Left
4 Dead 2. Todo este contido será totalmente de balde en ambos xogos.
Os personaxes Coach, Nick, Ellis e Rochelle de Left 4 Dead 2 poderán controlarse no modo The Mercenaries No Mercy, que é exclusivo para PC, contando cada un
deles cunha arma especial creada para o seu uso en Resident Evil 6 e, aparte dos protagonistas, no xogo de Capcom
tamén poderemos ver a un par de infectados especiais do xogo de Valve (a Witch
e o Mini Tank). Este contido cargarase de xeito automático na versión para PC
de Resident Evil 6 a partir do 5 de
abril.
No caso de Left 4 Dead 2 serán algúns
dos inimigos máis temibles de Resident
Evil 6 (Lepotitsa, Napad e Ogroman) os que farán acto de presenza esta
primavera. A través do Left 4 Dead 2
Workshop tamén será
posible ver os protagonistas de Resident
Evil 6 no xogo de Valve, para os que a xente de Capcom pide axuda
abertamente.
- Os protagonistas de Left 4 Dead 2 serán xogables nun dos modos de Resident Evil 6