Os responsables da Academia Wayra participarán na nova edición de Iniciador Galicia
xoves, 3 de maio do 2012
O vindeiro mércores 9 de maio ás 19:00 horas numerosos
profesionais e emprendedores do sector tecnolóxico acudirán ao Club Financeiro
de Vigo para atender a un relatorio conxunto de Gary Stewart e Josep Amorós,
director e vice director e Wayra, aceleradora de negocios do Grupo Telefónica,
nunha nova
edición de Iniciador Galicia. Os máximos responsables da Academia
Wayra España falarán do actual tecido emprendedor en España nunha charla
que leva por tÃtulo Retos e oportunidades
para emprendedores en 2012.
Dende Wayra seleccionan proxectos innovadores nas súas primeiras etapas e
achéganlles recursos para impulsar o seu desenvolvemento, explotación e
comercialización, contando con presenza en España, Reino Unido, México,
Colombia, Chile, Venezuela, Perú, Brasil e Arxentina.
Para participar a este novo encontro de Iniciador Galicia é preciso inscribirse no
correspondente evento de Facebook ou comunicalo
a través de correo electrónico, servindo esta última canle tamén para
concretar unha xuntanza informal con Gary Stewart e Josep Amorós un par de
horas antes do seu relatorio para recibir feedback
sobre proxectos emprendedores propios.
- Os relatores nunha imaxe captada durante o evento wayraWeek España 2011