Os centros educativos galegos cuadriplicaron a súa velocidade de acceso á Rede en 3 anos
luns, 7 de xaneiro do 2013
A través do Plan de Banda Larga da Xunta de Galicia estase a
facer un amplo despregamento de infraestruturas de telecomunicacións para dotar
de cobertura a toda a poboación galega, o que tamén beneficia aos centros
educativos da nosa comunidade, de xeito que, xunto coas melloras da Rede
Corporativa da Xunta, os
centros de ensino melloraron as súas conexións á Rede ata multiplicar por 4 a
súa velocidade media. Concretamente en 2009 a media de velocidade situábase
nos 5,6 Mbps e actualmente tal velocidade chega aos 20,5 Mbps.
Amais, conseguÃronse reducir nun 90% o número de conexións inferiores a 1 Mbps,
incrementáronse un 9% as conexións superiores a 9% (que son máis do 90% das
existentes) das que un 20% supera os 10 Mbps e máis dun 15% goza de conexión a
100 Mbps, de xeito que teriamos preto de 200 centros con conexión á Internet a
través de redes de nova xeración, o que supón un acceso máis efectivo á Rede,
con mellores velocidades e máis usuarios concorrentes, facilitando a
integración das TIC no sistema educativo.