Os aeroportos de Aena ofrecerán Wi-Fi de balde durante 15 minutos
luns, 22 de abril do 2013
Aena Aeropuertos adxudicou a Kubi Wireless S.L. o concurso a
través do que implantará
en 28 aeroportos (entre os que figuran os de Santiago, A Coruña e Vigo) servizo
de acceso á Rede a través de Wi-Fi durante os 2 vindeiros anos (con
posibilidade de prórroga) e que para os usuarios ofrecerase de balde durante os
15 primeiros minutos, coa posibilidade de conectarse durante máis tempo e a
maior velocidade a través dun servizo Premium (de pagamento).
Con este iniciativa Aena Aeropuertos busca pór a disposición dos seus usuarios
unha oferta de acceso á Internet semellante á dos aeroportos do contorno
europeo, mellorando asà tamén a súa oferta de servizos aos viaxeiros.
Aparte dos aeroportos galegos, tamén gozarán deste servizo de acceso á Rede os
de Madrid-Barajas, Barcelona-El Prat, Málaga-Costa del Sol, Alicante, Palma de
Mallorca, Eivissa, Menorca, Gran Canaria, Tenerife Sur, Tenerife Norte,
Lanzarote, Fuerteventura, La Palma, Bilbao, Asturias, Santander, Valencia,
Sevilla, Federico GarcÃa Lorca Granada- Xaén, Xerez, AlmerÃa, Girona-Costa
Brava, Reus, Murcia-San Javier e Zaragoza.