Os Xogos Olímpicos poderanse seguir en alta definición a través de Digital+ e Imagenio

Aínda que Televisión Española anunciara que «por primeira vez na historia das Olimpíadas da era moderna, TVE ofrecerá o sinal en Alta Definición a través da TDT», finalmente non será posible achegar tal tipo de retransmisión (que apenas podería contar con audiencia, pois existen poucos receptores de TDT con soporte de alta definición) e para achegar a alta definición ao público a televisión pública crea a canle TVE-HD que se poderá recibir a través de Digital+ e de Imagenio (ambas, plataformas de pago).
TVE é a titular, en exclusiva para España, da emisión dos Xogos Olímpicos, que aínda que non estean en aberto na súa versión en alta definición, contarán coa maior cobertura da historia, pois estarán presentes en La 1, La 2, Teledeporte, Radio 1, Radio 5 e o novo portal web de RTVE.