Os Cazapantasmas volven ó mundo dos videoxogos

A saga cinematográfica de Cazapantasmas levara 2 entregas á grande pantalla e varias adaptacións das mesmas ós videoxogos, e agora queren volver nun novo título de Sierra (Vivendi) que podería chegar ás tendas no outono de 2008 e que promete ser realmente espectacular.
O novo xogo está a ser desenvolvido por dúas empresas: Terminal Reality prepara as versións para PC, PlayStation 3 e Xbox 360 mentres que Red Fly Studio se encarga das versións máis familiares e sinxelas que chegarán para PlayStation 2, Nintendo DS e Wii.
Para a volta dos Cazapantasmas os actores Dan Aykroyd, Ernie Hudson, Bill Murray e Harold Ramis volverán a dar voz ós seus personaxes, o que engadirá máis realismo ó produto final, do que polo momento só podemos ver algunhas imaxes e un vídeo de presentación: