O xogo galego Tinboy Joyride estrea versión para Android

Estamos ante un típico xogo de plataformas no que ter que recoller obxectos para poder superar cada nivel

A compañía coruñesa de videoxogos Defcon Studio, especializado no desenvolvemento para móbiles, tras publicar títulos como Naves Espaciales e Iron Jack, estrea hoxe en Google Play o seu xogo máis prometedor, Tinboy Joyride, que pode descargarse de balde dende terminais con Android 2.2 ou superior e que colócanos no rol dun pequeno robot que fuxiu da súa rutina diaria para coñecer a natureza, onde debe sobrevivir recollendo bolas vermellas que emprega como fonte de enerxía.

A coidada estética de Tinboy Joyride é obra da deseñadora galega Laura Piñeiro Meana

Este novo título móbil conta cuns gráficos e un deseño coidados, grazas en boa medida ao traballo da deseñadora galega Laura Piñeiro Meana, mentres que os programadores Sergio Abraham Martínez e Javier de la Peña Ojea encargáronse de levar á vida esta aventura que transcorre ao longo de 60 niveis repartidos en 3 sectores.
Polo momento este xogo de balde pode descargarse a través de Google Play, estando ultimándose a súa versión para iOS que proximamente poderemos ver na App Store.