O xogo de Ataque a los Titanes chega a PC, PS4 e Xbox One
martes, 30 de agosto do 2016
Os afeccionados á banda deseñada e á serie de animación de Ataque a los Titanes ou Shingeki no Kyojin están de parabéns, xa
que o xogo A.O.T. Wings of Freedom
chegou finalmente ao mercado europeo, podendo mercarse para PC (Steam), PlayStation
4 e Xbox
One, coa curiosidade de que a versión para a consola de Microsoft custa
59,99 euros, mentres que o resto véndense a 49,99 euros, aÃnda que en Steam
matizan que trátase dunha promoción até o 2 de setembro, algo que deberÃan ter
en conta os que queiran revivir en primeira persoa as aventuras de Eren e os
seus compañeiros na loitan contra os Titáns devoradores de homes que ameazan
con extinguir á Humanidade.
O xogo pode xogarse en modo campaña individual, contando tamén con modos en
liña de até 4 xogadores, e a súa historia vai máis aló da primeira tempada da
serie de animación, polo que os lectores do manga agradecerán que se achegue un
pouquiño máis de trama da que puido verse na pequena pantalla, achegándose máis
ao publicado até o momento en papel (a serie de animación ten adiada a segunda
tempada até que o manga teña material dabondo para unha segunda serie de
episodios).
Este xogo conseguiu converterse nun dos fenómenos do manga e o anima a nivel
internacional, e a súa achega ás consolas de videoxogos limitárase a plataformas
portátiles, polo que moitos agradecerán poder gozar agora na súa consola
doméstica dun xogo que achega un nivel gráfico que incluso está á altura da
propia serie de animación, permitindo que o xogador se vexa máis involucrado na
aventura que coa pasividade dun simple espectador.