O xogo Navy Moves terá un remake comercial

FX Interactive abriu unha segunda fase de probas dun xogo que resultará rechamante para moitos nostálxicos do software español de finais dos anos 80, xa que se trata dun remake de Navy Moves (secuela de Army Moves) para PC e que permite completar a sexta fase do xogo, o que se debe concretar mediante o envío dun SMS (a 0,90 euros) para achegar 12 créditos para tal operación.

A fase en concreto é na que permite manexar un avión Harrier, e resulta realmente sorprendente que o fenómeno dos remakes de videoxogos pase ó sector comercial, xa que existían outros semellantes dentro do mundo da programación amateur.
O xogo promete ser moi espectacular (se nos fiamos das imaxes que podemos ver do mesmo), e se vai vender a través da Internet e tamén nunha edición de coleccionista que incluirá un controlador de xogo exclusivo como agasallo.