O mes que vén teremos un novo xogo dos Pitufos para Nintendo 3DS

Os Pitufos levan uns anos de volta en distintos medios, en boa medida grazas ás súas versións cinematográficas, pero Ubisoft está a anunciar un novo xogo destes personaxes que está baseado directamente na banda deseñada creada por Peyo a finais dos anos 50. Estamos ante un título para Nintendo 3DS que sairá á venda o 13 de outubro, e que non buscará grandes complicacións xa que, aínda que conte cun argumento (alguén misterioso demoleu a aldea pitufa e hai que reconstruíla) este é simplemente o centro ao redor do que xiran 12 mini-xogos.
O xogo contará con localizacións e personaxes moi coñecidos para os seareiros das criaturas azuis de Peyo, contando así coa presenza de Papa Pitufo, Pitufiña, Pitufo Cachirulo, Gargamel, Azrael e outros; mentres que os mini-xogos presentes permitirannos xogar ás agachadas, tocar música e incluso mesturar pocións (inclinando a consola para desprazar os ingredientes e sobrando ao micrófono para arrefriar as creacións).