O director xeral de I+D da Comisión Europea imparte un relatorio na USC

José Manuel Silva, director xeral de I+D da Comisión Europea, vai participar esta tarde (venres 25 de abril) como relator no curso de posgrao en Economía e Xestión de Innovación que organiza o grupo ICEDE da Universidade de Santiago e que ten como principal obxectivo “contribuír ao fortalecemento das capacidades do sistema de innovación mediante a formación de especialistas na xestión da investigación e da innovación”.
Na súa intervención, que terá lugar ás 16:30 horas no Centro de Estudos Avanzados, Silva falará do espazo europeo de investigación e as súas grandes liñas de actuación.
A entrada ó evento é libre con aforo limitado. Os interesados en asistir poden poñerse en contacto cos responsables do evento a través do enderezo plamenan@usc.es ou por teléfono chamando ao número 981563100, extensión 11653.