O clásico Spy Hunter adaptarse ás últimas consolas de videoxogos portátiles
mércores, 30 de maio do 2012
A poucos meses do 30º aniversario do xogo de recreativas Spy Hunter, Warner Bros Interactive
Entertainment anuncia
que vai reiniciar a saga, para o que ten a TT Fusion traballando nun xogo
para PS Vita e Nintendo 3DS que termos nas tendas no outono e que permitirá
tomar o papel dun axente ao volante dun
supercoche de alta tecnoloxía G-6155 Interceptor, que incorpora armamento
avanzado e está preparado para facer fronte a unha organización terrorista
global que quere dominar o mundo.
Dende Warner Bros Interactive Entertainment aseguran que a xogabilidade clásica
actualizouse para dar aos usuarios de PS Vita e 3DS unha nova experiencia
cargada de adrenalina, ofrecendo tamén “máis
opcións na transformación e personalización con mellores controis, gráficos
brillantes e cámaras de acción melloradas”.
Pero os cambios técnicos en Spy Hunter
non farán que o xogo perda unha das súas características clásicas: o noso potente
coche pode converterse nunha lancha rápida, e incluso pode transformarse nun
vehículo de asalto capaz de moverse por fóra das estradas.
Trailer de presentación do novo xogo de TT Fusion
Así era o Spy Hunter que chegou ás máquinas recreativas en 1983